Британската пејачка Адел гостуваше во последната епизода на Carpool Karaoke, а за време на разговорот со водителот Џејмс Корден во еден момент заврши во солзи.
Адел разговараше со Корден за нејзиниот развод и откри дека нејзиното пријателство со него ѝ помогнало да ја надмине разделбата со партнерот. Таа додаде дека стихот во една од песните од последниот албум „I Drink Wine“ е инспириран од поддршката што ја добила од водителот.
„Стихот беше инспириран од еден наш разговор на 4 јануари 2020 година кога бевме на одмор заедно со децата“, објасни таа.
Адел го финализираше разводот со Сајмон Конецки во март 2021 година и откри дека потоа отишла на семеен одмор со Џејмс, неговата сопруга Џулија и нивните три деца, како и нејзиниот син Анџело.
„Бевме на пат кон дома и расположението ми се промени и тоа беше првата година кога почувствував дека морам да преземам одговорност бидејќи сум возрасна личност, додека ти и Џулс се грижевте за мене и за Анџело една година пред тоа“, рече Адел.
Адел, исто така, тврдеше дека кога Џејмс дошол на ред да побара совет од неа - навестувајќи дека е незадоволен од неговиот живот во Америка - тоа ја натерало да се чувствува „несигурно“.
Резултатот од тој разговор била песната „I Drink WIne“, а Корден рече дека сè што ѝ кажал таа успеала да го преточи во песна.
Некои од стиховите што ги пееја ги вклучуваа и стиховите: „Како и двајцата станавме верзија на личност која не ни се допаѓа? Ние сме заљубени во светот, но светот сака само да нè собори, ставајќи ни идеи во главите, кои некако ни ги расипуваат срцата“.
Корден, воздржувајќи се и самиот да не заплаче, рече дека се чувствуива привилегирано што Адел успеала да разбере како се чувствувал и да го стави тоа во една од нејзините песни. На самиот крај од епизодата и Адел ги бришеше солзите.
