Жорже Мендеш, агентот на напаѓачот на Манчестер Јунајтед, Кристијано Роналдо, сега е во преговори за преселба на фудбалерот во Пари Сен-Жермен.
Според новинарот Педру Алмејда, Луис Кампос, советник на претседателот на парижаните, бил во контакт со Мендеш за можен трансфер на 37-годишниот Португалец.
Роналдо пропушти голем број тренинзи на Манчестер Јунајтед. Беше објавено дека фудбалерот ќе ја пропушти претсезонската турнеја на клубот во Тајланд и Австралија поради семејни причини.
Претходно Роналдо се поврзуваше со трансфери во Рома, Баерн, Челси, па дури и Барселона.
Португалецот се врати во Манчестер Јунајтед во август 2021 година, а претходно за „Црвените ѓаволи“ играше од 2003 до 2009 година.
Минатата сезона Роналдо на 38 натпревари за Манчестер Јунајтед постигна 24 гола и имаше 3 асистенции.
Порталот Transfermarkt вредноста на петкратниот освојувач на Златната топка ја проценува на 30 милиони евра.
