Ал Наср закажа лекарски преглед за Кристијано Роналдо, а спортскиот директор на клубот Марсело Салазар потврди дека се во преговори за голем договор со фудбалерот.
Салазар вели дека станува збор за преговори од голем размер. Роналдо има понуда од 200 милиони евра годишно, а според пишувањето на SunSport, тој уште нема одлучено дали ќе стане дел од клубот.
Вака изгледа дека од Ал Наср се уверени дека ќе има трансфер, па резервиран е лекарски преглед за Роналдо и сместување за неговите претставници, пишуваCBS Sport. Клубот е оптимистичен дека ќе може да ја финализира работата за отворање на јануарскиот рок.
Формалностите се наводно решени и Роналдо би добил голема улога во смисла на водењето на Ал Наср и потенцијална кандидатура на Саудиска Арабија за домаќин на СП 2030.
„Не ми е дозволено да кажам да или не, да почекаме да видиме како ќе се одвиваат работите до крајот на годината. Како што гледате, станува збор за преговори од големи размери, не само за клубот туку и за државата и светскиот фудбал, а кои мора да се водат на повисоко ниво. Можам да кажам дека Роналдо е еден од најдобрите фудбалери во историјата на фудбалот. Секогаш ми бил пример за спортист, поради волјата што ја покажува за победа. А и како португалски граѓани, секогаш навивам за него“, изјави тој.
Роналдо моментално нема клуб откако му беше раскинат договорот во Манчестер Јунајтед по неговото ексклузивно интервју со Пирс Морган.