Шпанскиот 18-годишен тенисер Карлос Алкарас (11. АТП) го освои АТП Мастерс турнирот 1000 во Мајами, откако во финалето го победи Норвежанецот Каспер Руд (7. АТП) со 7:5, 6:4.
Норвежанецот подобро го отвори натпреварот и имаше период од 4:1, но потоа Алкарас одигра феноменален период во кој освои девет од десет гема.
Тој направи пресврт во првиот сет, кој го доби со резултат 7:5, а во вториот поведе со 3:0 со два брејка.
Норвежанецот успеа да си го врати едниот загубен сервис до крајот на мечот, но не и другиот, па доживеа пораз во финалето.
За младиот Шпанец ова е трет турнир што го освојува во кариерата по освојувањето на Кроација опен во Умаг и гостувањето во Рио де Жанеиро.
Од друга страна, Руд остана на седум титули, од кои една годинава.
Алкарас стана и третиот најмлад победник на турнирот Мастерс 1000 во историјата по Мајкл Чанг (Торонто, 1990) и Рафаел Надал (Монте Карло, 2005).