Двократниот шампион на Формула 1, Фернандо Алонсо, изјави дека ја донел „вистинската одлука“ во врска со преминувањето во Астон Мартин идната година.
„Почувствував дека тоа е правилна одлука бидејќи ми се чини дека навистина сакаат да бидам во тимот и го ценат мојот труд во изминатите две години“, соопшти 41-годишниот шпански возач.
Алонсо во 2018 година се повлече од Формула 1 за да во шампионатот се врати три години подоцна како возач на Алпин. Оваа сезона го зазеде 10 место во пласманот на возачи со 41 бод. Шпанецот, кој во 2005 и во 2006 година ги освои титулите со Рено, додаде дека со Алпин „не се сложил околу суштински работи“.
На почетокот на овој месец Алонсо и Астон Мартин најавија соработка, откако одлука за повлекување на крајот на сезоната донесе возачот Себастијан Фетел.