Вчерашното издание на каталонскиот весник Diario Sport го обележа текстот за Миралем Пјаниќ, во кој се нагласува дека никој не разбира што се случува со репрезентативецот на Босна и Херцеговина, кој пристигна на Ноу Камп како големо засилување, а неговата улога во Барселона е мала.
Играчот од средниот ред поминува целосно незабележан, а во Елче не влезе во игра во второто полувреме по подолго загревање. Бројките се јасни - Пјаниќ одигра само 40 проценти од своите минути од пристигнувањето во Барса и досега не успеа да го оправда епитетот засилување.
Diario Sport анализира дека Пјаниќ нема постигнато гол повеќе од 15 месеци. Неговиот последен погодок беше во октомври 2019 година за Јувентус против Болоња, што е поразителна статистика.
Како што се наведува, големиот проблем на Пјаниќ е што тој не дава позитивни знаци дури и преку играта. Точно, тој покажа одличен технички квалитет, но никогаш во континуитет. Покрај тоа, сè уште се забележува дека заостанува кога станува збор за физичка подготвеност во однос на соиграчите и е далеку од вистинскиот ритам.
Понатаму во текстот се вели дека Серхи Роберто е пред заздравување од повредата и дека наскоро ќе биде во конкуренција за првиот тим, што го прави тренерот Роналд Куман особено среќен.
Покрај тоа што може да ја покрие позицијата десен бек, холандскиот стручњак планира да го искористи и на средината на теренот на местото на Пјаниќ, затоа што е незадоволен од неговата игра. Куман веќе го користеше на таа позиција против киевски Динамо во Лигата на шампиони и против Атлетико во Ла Лига кога Пике се повреди.
Конечно, Пјаниќ ќе има две нови натпревари со кои ќе се обиде да покаже напредок - во среда во Копа дел Реј против Рајо Ваљекано и в недела во Ла Лига против Атлетик, во натпревар во кој Серхио Бускец нема да биде поради картони.