Американската фудбалска дедерација се обврза ѝ да плати на женската фудбалска репрезентација истоа сума како на машката и воедно да плати дополнителни 24 милиони долари на девојките за да се откажат од тужбата.
На овој начин се реши долгогодишниот спор околу еднаквите плати, а фудбалерките овој потег го оценија како пресвртница за спортот.
Федерацијата вети дека во иднина ќе обезбеди еднаква плата за женските и машките репрезентации на сите пријателски натпревари и турнири, вклучувајќи го и Светското првенство.
Од 24 милиони долари што ќе ги плати Федерацијата, 22 милиона ќе бидат распределени на начин кој го предложија фудбалерките, а 2 милиона ќе бидат инвестирани во фондот за благосостојба на фудбалерките те за да им се помогне по завршувањето на кариерите, како и за разни хуманитарни акции.
Спорот датира од 2016 година, кога американските репрезентативки покренаа федерална тужба за дискриминација на платите, тврдејќи дека добиваат помалку од фудбалерите, иако заработуваат повеќе за Американската фудбалска асоцијација.
Женскиот фудбалски тим на САД е четирикратен светски шампион (1991, 1999, 2015 и 2019), додека машките колеги во совремета ера на фудбалот никогаш не напредувале подалеку од четвртфиналето на Светското првенство, а најголемиот успех го имаат направено во далечната 1930 година кога на првиот историски Мундијал беа елиминирани во полуфиналето.
Американките освоија и 4 олимписки златни медали (1996, 2004, 2008 и 2012), додека фудбалерите имаат сребро и бронза и тоа од пред повеќе од еден век, на Игрите во 1904 кога освоија медали со два различни тима, а во конкуренција на вкупно, верувале или не, три (канадскиот тим земал злато).