Реал Мадрид рутински се пласираше во полуфиналето на Лигата на шампионите повторувајќи го на „Стемфорд Бриџ“ резултатот од првиот натпревар во Мадрид (2:0).
Точно е дека „Сините“ имаа неколку потенцијални шанси, но треба да се земе предвид фактот дека играчите на кралскиот клуб можеби малку повеќе се опуштија.
Предводникот на актуелниот шампион на Шпанија, Карло Анчелоти, истакна дека Челси во текот на натпреварот неколку пати вршел притисок, а како најголема закана за својот тим гледал на Н'Голо Канте.
„Челси нѐ притискаше од почетокот на натпреварот, така беше до крајот на првото полувреме. Имавме проблеми поради Н'Голо Канте. Тој доминираше во средината и не можевме да го контролираме. Едуардо Камавинга беше на левата страна, бидејќи таму го чуваше Рис Џејмс, а Лука Модриќ не можеше да помогне бидејќи се грижеше за Енцо Фернандес. Затоа на полувремето го повикав Валверде и му реков да ја преземе левата страна. Тој го направи тоа брилијантно, а на крајот тоа беше одлучувачки фактор“, изјави Анчелоти.
Дали токму Канте ќе биде летно засилување за Реал? Французинот чии родители се од Мали игра во Челси од летото 2016 кога дојде од тогаш новиот англиски шампион Лестер. На 29 март наполни 32 години.