Фудбалерите на Реал Мадрид и Милан не можат да се паднат еден против друг пред финалето од Лигата на шампиони, а доколку тоа се случи во големото финале италијанскиот стратег ќе има „големи проблеми“, со оглед на тоа што на шпанските медиуми им откри кои клубови му се во срцето.
Имајќе предвид дека моментално е работно врзан за кралскиот клуб, некако е логично, и сосема извесно, дека повеќе ќе се радува на успех на бранителот на европскиот трон. Но, и потенцијалниот триумф на „Росонерите“ не би го разочарал, напротив...
„Навивам за Милан и за Реал Мадрид. Не можам да се одлучам кој ми е поград. Двата клуба ги чувствувам како свои и така ќе биде засекогаш. Многу пати сум кажал дека му е убаво во Мадрид, дека се чувствувам како дома и би сакал да останам во овој клуб колку што е можно“, рече Анчелоти.
Италијанскиот стратег како играч во два наврата го освојуваше европскиот трон со Милан во тогашниот Куп на шампионите, а има и две Скудета, додека како тренер исто така двапати ја освои Европа со Милан, како и едно Скудето. Со Реал како тренер има 2 титули во Лигата на шампионите и една во Ла Лига.
Интересно, Анчелоти најголем дел од својата играчка кариера мина во Рома, дури 8 сезони, освои и Скудето, а одигра 227 натпревари во сите натпреварувања и постигна 17 голови. Сепак, овој клуб не го вброи во омилените. Воедно, никогаш не седнал на клупата на „Волчицата“. Кариерата ја почна во Парма.
