Реал Мадрид е на второто место во шпанското првенство во кое се одигра 12. коло.
Изненадувачки, Жирона е на врвот на табелата со два бода повеќе, а зад Реал Барселона со два бода помалку од најголемиот ривал и Атлетико, кој има четири бода помалку со натпревар помалку. Иако борбата за титулата шпански првак е многу интересна, Карло Анчелоти смета дека не му требаат засилувања во јануари.
Ова го изјави тренерот на Реал на денешната прес-конференција пред натпреварот против Брага во Лигата на шампионите (среда, 21 ч.). Мадриѓаните имаат големи амбиции и во ова натпреварување, а засега се 100% во групната фаза по три одиграни натпревари и на пат кон втората рунда од натпреварувањето.
„Не планираме да носиме играчи во јануари. Ниту еден. Мислам дека нема да има јануарски преоден рок за нас. Пред крајот на сезоната кај нас ќе се вратат Едер Милитао и Тибо Куртоа и ништо не планираме за јануари. На лето? Можеби“, изјави Анчелоти и со тоа потврди дека Реал ќе биде мирен во зимскиот период.
Тоа значи и дека не се очекува доаѓањето на Килјан Мбапе, францускиот напаѓач на ПСЖ кој често се поврзува со доаѓањето во Мадрид. Да потсетиме, тој е под договор со францускиот шампион само до крајот на сезоната кога ќе стане слободен играч. Се пишуваше дека веќе се договорил со Реал. Мбапе постигна 224 гола и асистираше 99 пати во 273 натпревари за ПСЖ.
