Тренерот на Реал Мадрид, Карло Анчелоти смета дека неговиот клуб е оштетен на синоќешниот натпревар со Хетафе во 8. коло од Ла лига.
Сепак, Реал на крајот победи минимално со 1:0 и ги освои трите бода.
– Ја контролиравме играта од самиот почеток. Очигледно ни помогна тоа што рано поведовме, но не можевме целосно да го решиме исходот. Неизвесноста се задржа до крај. Не ни беше досуден пенал, не го важеа нашиот гол поради офсајд. Ја исполнивме нашата задача играјќи самоуверено во одбраната. Милитао и Рудигер имаа одличен натпревар, исто како и Чуамени, истакна Анчелоти за Marca.
Стрелец на единствениот гол на натпреварот беше Едер Милитао во 34. минута од средбата.
Реал Мадрид освои 22 бода и е на првото место, пред Барселона која е со 19 бода и средба помалку.
