Двократниот шампион во Формула 1, Фернандо Алонсо, има нова девојка, а тоа е Андреа Шлагер.
По заминувањето од Формула 1, Алонсо се врати во најбрзиот циркус во светот во 2021 година и има доста солидни перформанси во Алпен. Сепак, очигледно добро му оди и на љубовен план, бидејќи на својот Instagram профил објави неколку фотографии со својата нова девојка.
Се вика Андреа Шлагер и е ТВ водителка и репортерка која ги следи Формула 1, Мото ГП и тенисот. Покрај тоа, таа е бренд амбасадорка на шпанскиот автомобилски бренд Cupra.
Шлагер често интервјуира возачи во падокот, а нејзините прашања јасно покажуваат дека таа добро го познава спортот. Фотографите ја фотографираа неколку пати кога пристигна на патеката во друштво на Алонсо.
