Од плажа до најдлабоката точка во Маријанската Бразда. Анимираното видео на шпанската компанија MetaBallStudios одлично ја доловува незамисливата длабочина на светските мориња.
Како што навлегува во длабочините, видеото на моменти прикажува и некои градби од копното, чисто за споредба колку мали изгледаат доколку би биле во океаните. Прикажани се и останките од бродови и подморници кои лежат на дното.
Првото обележје е Статуата на слободата на длабочина од 93 метри, малку поплитко од просечната длабочина на Северното Море. Потоа следуваат Ајфеловата кула на 324 метри и познатата Бурџ Калифа во Дубаи, највисоката зграда во светот.
Други референтни точки вклучуваат просечна длабочина на Атлантскиот Океан од 1.205 метри и најдлабокиот подморски кабел на длабочина од 1.600 метри.
Анимацијата продолжува да се спушта додека не стигне до длабочината на „Титаник“ на околу 3.700 метри, иако нашироко се пишува дека е поблиску до 3.800 метри, сè до крајот и најдлабоката точка во морето на длабочина од речиси 11.000 метри.
