Google работи на нова функција за апликацијата Messages.
Станува збор за функција што ќе им овозможи на корисниците да уредуваат пораки откако ќе бидат испратени, барем така сугерира кодот забележан од TheSpAndroid.
Референците за функцијата првично се појавија во бета верзијата на апликацијата на 19 ноември, а сега има уште четири ставки кои го потврдуваат споменувањето.
Доказите за новата функција во развој доаѓаат во време кога поддршката за уредување пораки станува сѐ поприсутна во другите апликации за пораки. Apple ја додаде оваа опција за корисниците на iMessage со пристигнувањето на iOS 16 минатата година, додека WhatsApp лансираше слична функција претходно годинава. Во двата случаја, времето во кое е можно да се уредуваат пораките е ограничено, две минути за iMessage и 15 минути за WhatsApp. Двете услуги им овозможуваат на корисниците да бришат пораки откако ќе бидат испратени, но се чини дека апликацијата на Google не го прави тоа.
Исто така, не се знае дали ќе има временско ограничување за уредување пораки, како и дали примачот ќе ја гледа историјата на уредување.
