Лондонскиот клуб после повлекувањето од контроверзната Супер лига одлучи и да се извини за своите постапки.
„Топчиите“ испратија јавно извинување до своите навивачи и сите подржувачи и симпатизери чиј гнев го навлекоа со приклучувањето кон затвореното паранатпреварување, таканаречената Супер лига.
„Изминатите неколку дена уште еднаш ни ја покажаа големата приврзаност на навивачите ширум светот со овој голем клуб и со играта која ја сакаме“, почнува соопштението на Арсенал.
„Не ни беше потребно потсетување за тоа, но реакцијата на навивачите деновиве ни даде време за поподробно размислување“.
„Нашите намери никогаш не беа да направиме раздор, сепак, кога дојде поканата да ѝ се придружиме на Супер лигата, иако знаеме дека нема гаранции, не сакавме да останеме надвор со цел да го заштиме Арсенал и неговата иднина“.
„Слушајќи се вам и целата светска фудбалска заедница изминативе денови, одлучивме да се повлечеме од предложената Супер лига. Направивме грешка и се извинуваме за тоа“.
Синоќа сите шест премиерлигашки клубови се повлекоа од контровезното натпреварување, со што за брзо згасна сонот за една лига чија единствена цел е правење пари.
