Ако некогаш сте се запрашале како би изгледал животот на една напуштена мачка во некој друг свет, ви ја препорачуваме игрицата „Stray“, која носи постапокалиптична авантура на мачка оставена сама на себе додека бара враќање во нормалниот свет.
Игрицата за семејството мачки во многу интересното издание на Annapurna Interactive завршува во моментот кога нашиот главен „лик“ во оваа игрица за PlayStation и PC не успева да прескокне една од пречките и завршува во подземен дистописки град каде има хуманоидни роботи.
Патот до враќање во реалноста и животот што го знаела нашиот жолт мачор не е лесен. Многу непријатели во вид на мини-чудовишта, но и роботи кои на почетокот бегаат од главниот лик, а подоцна му се најдобри сопатници на патот кон реалноста, се само дел од предизвиците.
На патот кон излезот од светот со роботи, незаменлива е помошта на роботот B-12 кој ќе го носите на грб. Преведувач, десна рака, база на податоци и што уште не ќе ве придружува речиси од почеток до крај.
Интересното во оваа игрица е што мачорот не е робот. Со својот карактер буквално го живеете животот на мачорот. Заедно со трчањето има и мјаукање кое предизвикува бројни реакции од околината, острење на шепите по теписи, ѕидови или врати, тропање по стаклени тегли или шишиња, но и спиење со предење.
Во прилог носиме само мал дел од гејмплејот на оваа игра, кој може да се заврши за околу 3-4 часа без уживање или 7 часа со истражување и уживање во животот од мачкина перспектива.
