Товарен Boeing 763 принудно слета на аеродромот во Истанбул, по дефект на опремата за слетување, јавија државните медиуми.
Авионот слета без предната опрепа за слетувања директно со предниот дел од трупот лизгајќи се по асфалтот. Екипажот е безбедно евакуиран, јави државната телевизија TRT, пренесува DPA.
Авионот, во сопственост на американската компанија за испорака FedEx, бил на пат од Париз. Неговата опрема за слетување на носот претрпела дефект додека се приближувал кон Истанбул.
Контролната кула била информирана и биле преземени неопходните мерки на претпазливост пред авионот да слета во 8:17 часот по локално време, соопшти TRT, повикувајќи се на Министерството за транспорт.
