Министерството за одбрана на Азербејџан денеска соопшти дека ерменската армија гранатирала шест нивни села околу Нагорно-Карабах.
– Тие нè гранатираат, но ние соодветно одговараме, се вели во соопштението.
Од друга страна, официјален Ереван тврди дека воените сили на Азербејџан почнале акција против Нагорно-Карабах, гранатирајќи населени места, вклучително и главниот град на областа, Степанакерт.
Двете страни пријавија жртви, меѓу кои имало и цивили.