Каталонскиот фудбалски гигант Барселона соопшти денеска дека продала 25% од телевизиските права на компанијата Sixth street.
Компанијата ќе ги има правата во следните 25 години да ги пренесува натпреварите на каталонскиот клуб, а Барселона, според договорот, ќе инкасира инстант приход од 519 милиони евра.
„Продолжуваме да ја унапредуваме нашата стратегија и пресреќни сме што го комплетиравме овој договор со Sixth street, кој значително финансиски ќе нè зајакне“, изјави претседателот на Барселона, Жоан Лапорта.
Приходот од продажбата на телевизиските права ќе ѝ помогне на Барселона да го испочитува финансискиот фер-плеј и да ги сервисира постојните трошоци, вклучувајќи ги трансферите на Роберт Левандовски и Рафиња, за чие ангажирање каталонскиот гигант потроши 110 милиони евра.