Деновиве во скопската зоолошка градина има вистински бејби бум откако и денеска градината доби нов жител.
Зоолошка градина Скопје денеска извести дека има принова и кај хималајските тари.
Се работи за копитар чие потекло е од Хималаите во Јужен Тибет, Северна Индија и Непал. Меѓународниот сојуз за заштита на природата (МСЗП/IUCN) го смета за речиси загрозен вид поради надолното движење на нивниот број што се должи на ловот и загубата на живеалиштата.
Хималајскиот тар е сроден на козите и овците, а родот тар (Hemitragus) е едновиден и му припаѓа на редот парнокопитни (Artiodactyla).
