Дејвид Бекам побара трпение за својот нов клуб Интер Мајами наведувајќи дека ниту златните генерации на Манчестер Јунајтед и Реал Мадрид не беа создадени брзо, туку им беше потребно време.
Клубот кој го создаде во МЛС има лош почеток со три порази во првите три натпревари на летниот турнир по рестарот на сезоната. Интер Мајами загуби 2:1, од Орландо Сити, 2:1 од Филаделфија Јунион и 1:0 од Њујорк Сити. И во регуларниот дел, кој беше прекинат, Интер Мајами не помина подобро губејќи ги сите 5 натпревари со гол-разлика 3:8.
„Понекогаш патот е едноставно долг и треба да се земе здив. Манчестер Јунајтед, Реал Мадрид, Ла Лига и Премиер лигата не беа создадени за еден ден. На тимовите, играчите и клубовите им е потребно време за да проработат, а кога ќе почнат да го прават тоа тешките времиња стануваат далечни. Важно е да се фрли поглед на она што е досега направено. Јас сум горд на мојот тим, нашиот клуб и неверојатните навивачи кои ги имаме. Трпението е доблест“, напиша Бекам во обраќање на Instagram.
Во воведната сезона Бекам не состави тим од познати имиња како што се најавуваше. Најпознати фудбалери се панамскиот ветеран Роман Торес, американскиот репрезентативен напаѓач Хуан Агудело и јамајканскиот бек Алвас Пауел.