Во својот последен извештај, Институтот за проучување на војната (ISW) наведува дека белорускиот Генералштаб потврдил дека земјата го изменила текстот на Уставот за да се откаже од својата неутралност и ненуклеарен статус.
Заменик-началникот на белорускиот генералштаб, полковник Андреј Богодел, вчера изјави дека, за да одговори на „надворешните предизвици и закани“, Белорусија ги направила неопходните промени во својот Устав, откажувајќи се од неутралноста и го укина делот за ненуклеарен статус.
Да потсетиме, рускиот претседател Владимир Путин минатата недела изјави дека првото тактичко нуклеарно оружје што ќе биде стационирано таму пристигнало во Белорусија. Американскиот претседател Џо Бајден изјави потоа дека руската закана за употреба на тактичко нуклеарно оружје е „реална“.
