Францускиот тенисер Беноа Пер, три недели пред почетокот на Австралија Опен, објави дека е повторно позитивен на коронавирусот.
На Instagram објави дека има корона и дека се наоѓа во изолација, што значи дека го пропушта турнирот во Мелбурн. Пер има 32 години, a на АТП листата се наоѓа на 46-то место.
„Здраво, се викам Беноа Пер и по 250 пат сум позитивен на коронавирусот. Искрено, не можам повеќе да се справам со ова. Не се чувствувам психички добро поради овие изолации и времето минато во хотелски соби низ светот. Поради короната имам проблеми со носот. Минатат година беше тешка, а и новата изгледа ќе биде потешка“, порача Пер додавајќи дека е вакциниран со две дози и дека ја поддржува вакцинацијата, но не гледа смисла во изолирањето на вакцинираните лица.
Пер беше позитивен на коронавирус и минатата година, неколку дена пред почетокот на УС Опен.
Во последните неколку дена сè повеќе тенисери во светот се заразени, коронавирус фатија Рафаел Надал, Андреј Рубљев, Денис Шаповалов, Ема Радукану и други.
