Италијанскиот репрезентативен напаѓач синоќа имаше непријатна случка после изненадувачката елиминација на неговиот Сасуоло од Копа Италија од второлигашот Модена.
Доменико Берарди ги одигра сите 90 минути на „Алберто Браља“ стадионот и постигна еден гол кога во надополнувањето од првото полувреме реализираше пенал за намалување на 2:1. Неговиот тим на крајот загуби со 3:2 и се соочи со шокантна елиминација уште на почетокот од новата куп сезона.
Очигледно Берарди беше фрустриран по натпреварот, што и допринесе до тоа лошо да реагира по блискиот контакт со навивачите пред стадионот во Модена.
На социјалните мрежи се појавија видеа на кои се гледа како Берарди лути тргнува кон еден навивач во обид физички да се пресмета со него, а клупскиот персонал со сите сили се обидува да го задржи метар и 83 високиот голгетер.
На друго видрео се гледа како еден друг навивач му дофрла и за неговите утки на баражот против Македонија во март кога Италија среде Палермо шокантно загуби и остана без пласман на Мундијалот во Катар.
Промашувањето против Македонија за кое навивачите го обвинуваат Берарди е ова:
