Германската лабораторија BioNTech наскоро ќе достави барање до ЕУ за одобрување на својата вакцина против COVID-19 за деца на возраст од 12 до 15 години и очекува таа да биде одобрена веќе во јуни.
– Во Европа сме во завршна фаза пред да ги предадеме податоците за клинички испитувања до Европската агенција за лекови (ЕМА) и постапката треба да трае четири до шест недели, изјави ко-основачот и директор на лабораторијата Угур Сахин за германското списание Der Spiegel.
Вакцината во моментов е одобрена само за лица на возраст над 16 години.
BioNTech и неговиот партнер Pfizer на почетокот на април поднесоа барање во САД за проширување на итното одобрување на вакцините за деца на возраст од 12 до 15 години..
Барањата за одобрување се засноваат на податоци од клиничко испитување во трета фаза за таа возраст објавени на крајот на март, кои „покажаа дека вакцината е 100 проценти ефикасна“ во спречување на болеста, соопштија лабораториите.