Мекензи Скот, поранешната сопруга на Џеф Безос, основачот на Amazon, во изминатите четири месеци донираше повеќе од 4 милијарди долари на стотина хуманитарни организации и организации за давање помош, вклучително и на банки на храна кои се борат проитв последиците од коронавирусот.
Личното богатство на Мекензи се проценува на 60 милијарди долари, а по разводот со Безос да се обврза дека поголемиот дел од богатството ќе го донира во добротворни цели.
Во јули Мекензи соопшти дека донирала 1,7 милијарди долари за 116 добротворни организации за потоа да одлучи малку да ги забрза донациите и во изминатите четири месеци даде дополнителни 4,15 милијарди долари за 384 организации во САД и Порторико.
„Оваа пандемија им го уништи животот на Американците кои веќе беа осиромашени“, напиша таа на блогот. Напомнува дека најмногу се погодени мајките, постарите лица и луѓето кои веќе живеат во сиромаштија.
Истовремено, таа напомнува дека богатството на милијардерите е зголемено.
При бирање на приматели на донација Мекензи пристапува според основа на податоци, а нејзиниот тим посветено обрнува посебно внимание на оние кои делуваат во заедниците и се соочуваат со голема несигурност кога станува збор за храна, сиромаштија, расни нееднаквости и слаб пристап на филантропски капитал.
Додава дека некои од нејзините донации имале за цел да ги задоволат основните потреби како што се потребите во банките за храна, фондовите за помош во итните случаи и поддршка за најзагрозените.
Некои се фокусирани на долгорочни прашања кои пандемијата ги влоши, како намалување на долговите, обуки за вработување и образование на маргинализираните луѓе, како и за групите за граѓански права.
Нејзиниот тим прегледал вкупно 6.490 организации, а Мекензи го објави и списокот на организациите кои ги добиваат средствата.
Богатството на Џеф Безос, кој беше во брак со Мекензи 26 години, сега се проценува на 185 милијарди долари, додека пред пандемијата изнесуваше 113 милијарди долари.
