ММА борбите од Русија се полни со бизарности, а најновата доаѓа од настанот Open Fighting Championships 36 во Санкт Петербург.
Навикнати сме да гледаме борби во Русија какви што не се организираат никаде на друго место, од луѓе без рака до борби меѓу мажи и жени.
Сепак, на настанот Open Fighting Championships 36, борачите не беа оние во центарот на вниманието.
Инцидентот се случи на почетокот на четвртата рунда од борбата за титулата во мува категорија меѓу Гаџимурад Гајрбеков (5-0) и Дилшот Норкузиев (3-1).
Рундата започна, а камерманот заборави да излезе од кафезот.
Дури кога борачите паднаа на подот, судијата сфати дека во кафезот има уште некој кој не треба да биде таму.
Тој ја прекина борбата и му нареди на камерманот да го напушти кафезот, а кога тоа се случи, борбата продолжи од истата позиција во која беа борачите пред прекинот.