Личното богатство на Илон Маск вчера порасна за дури 36,2 милијарди долари откако Hertz Global Holdings Inc. нарача 100.000 Tesla автомобили, пишува Bloomberg.
Тоа е најголемата еднодневна добивка во историјата на Bloomberg Billionaires Index, кој го засени минатогодишниот пораст на кинескиот тајкун Жонг Шаншан од 32 милијарди долари кога неговата компанија за вода излезе на берзата.
Нето вредноста на Маск од 288,6 милијарди долари сега е поголема од пазарната вредност на Exxon Mobil Corp. или Nike Inc.
Акциите на Тесла пораснаа за 13 проценти поради веста за нарачката на Hertz, со што пазарната вредност надмина билион долари.
Околу две третини од нето вредноста на Маск директно се поврзани за акциите и опциите во компанијата за електрични автомобили, чиј основач и главен извршител е токму тој.
Природата на неговото богатство е основана на акциите што му овозможи да стекне милијарди долари на хартија и да стане најбогатиот човек во светот, а да поседува мал ликвиден имот. Тој не прима плата од тесла, а дел од неговиот удел е заложен за лични позајмици, според документацијата на компанијата. Во 2019 година тој изјави дека и покрај статусот на милијардер, нема многу пари.
Минатата година на Twitter објави дека планира да го продаде целиот негов физички имот.
