Поранешниот бугарски премиер Бојко Борисов останува во притвор по истрагата за корупција која ја водат обвинители на Европската Унија, додека неговите сопартијци и поддржувачи од ГЕРБ протестираат на улиците, барајќи негово ослободување.
Бугарското МВР соопшти дека Борисов е приведе на 24 часа заедно со поранешниот министер за финансии Владислав Горанов и советничката за медиуми Севдалина Арнаудова.
Властите не соопштија детали за евентуалните обвинувања на нивна сметка, но локалните медиуми известија дека се истражува злоупотреба на ЕУ фондови.
Премиерот Кирил Петков изјави дека во тек е истрага на Европското јавно обвинителство и ќе се види реакцијата на бугарското обвинителство.
Актуелниот министер за финансии Асен Василев изјави дека финансиските инспектори на основа на дојава собрале докази дека наводно 556 милиони лева (280 милиони евра) не влегле во државниот буџет под надзор на Борисов и неговиот министер за финансии.