Аслам Кан, 27-годишен пакистански шампион во бокс, почина по повредите здобиени во рингот.
Да биде приказната уште потрагична, тоа беше хуманитарна борба.
Несреќниот Кан боксуваше со Вали Кан Тарин во категоријата до 80 килограми. Најголемата вина за смртта е кај организаторите, со оглед на тоа што околу рингот немаше лекари или болничари од Брза помош.
По силниот нокаут, Кан бил пренесен во приватна болница, каде починал од последиците од внатрешно крварење.
„Тој не почина во рингот, но претрпе повреди на главата и немаше кој да му помогне“, пишува BOL News, еден од најголемите пакистански медиуми.
Истиот медиум објави и дека е започната официјална истрага за утврдување на виновникот.
Амир Кан, колега и сонародник на Аслам вели дека ривалот бил барем една категорија над него и дека не требало да се дозволи таква борба.
Кан почнал да се занимава со бокс во 2007 година и неколкупати во својата кариера ја освои титулата својата категорија во Пакистан.
