Босна и Херцеговина располага со само 20 километри излез на Јадранското Море и само неколку плажи, меѓу кои и една бајковита.
Плажата Ферал е помалку позната локација во единствениот приморски град во Босна и Херцеговина и се наоѓа на приближно 7 километри од централната плажа во Неум. Гратчето Неум околу 4.650 жители.
Ќе ви бидат потребни 12 минути за да стигнете до оваа затскриена локација, според Google Maps, а таму ќе ве пречека плажа со камчиња, маслинови дрвја и палми со лежалки.
Бидејќи плажата е малку подалеку, на неа ретко ќе најдете гужва, а природната средина е идеална за релаксација.
Плажата Ферал нуди и дрвени куќарки во кои можете да преноќите со поглед на морето.
До плажата има и ресторан, па оние кои ќе дојдат на еднодневно капење можат да бараат освежување после капење и сончање.
Во последните години целиот комплекс на плажата Ферал привлече големо внимание и го посетуваат сѐ повеќе туристи.
