Славната актерка Анџелина Џоли вчера го обвини бившиот сопруг Бред Пит дека во алкохолизирана состојба во 2016 година ја нападнал неа и децата во текот на лет со приватен авион, наведувајќи дека Пит тогаш ја грабнал за главата и физички и вербално ја нападнал.
Сега се огласи и Пит, неговиот портпарол во изјава за CNN ги нарече овие тврдење за целосно невистинити.
„Нејзината приказна продолжува да се развива секој пат кога ја раскажува со нови, непоткрепени тврдења. Бред ја прифати одговорноста за тоа што направи, но нема истото да го направи за работи кои не се случиле. Овие нови тврдења се целосно невистинити“, стои во изјавата.
Пит не беше уапсен, ниту обвинет во врска со инцидентот откако ФБИ ја заврши истрагата во 2016 година.
„Како одговор на обвинувањата изнесени во текот на летот во дел на авионот кој слета во Лос Анџелес со Пит, Џоли и нивните деца, ФБИ изврши ревизија на настаните и нема да ја продолжи истрагата. Не е покренато никаков обвинение по ова прашање“, гласеше тогаш полициското соопштение.
