Кошаркарите на Бруклин и Минесота успешно го минаа плеј-инот и се пласираа во НБА плеј-офот.
Бруклин го совлада Кливленд со 115:108, а Нетс до победата ги предводеа главните ѕвезди на тимот.
Кајри Ирвинг натпреварот го заврши со 34 поени со само три промашувања од игра и 12 асистенции, а Кевин Дурент постигна 25 поени и 11 асистенции. Од друга страна, Дариус Гарланд постигна 34 поени.
Бруклин ќе биде во првото коло од плеј-офот на Источната конференција против Бостон.
Минесота го победи ЛА Клиперс со 109:104 и закажа дуел од првото коло од плеј-офот на Западот со Мемфис.
Ентони Едвардс постигна 30, а Д’Анџело Расел 29 поени во победничкиот тим, додека на другата страна Пол Џорџ постигна 34 поени.