Синот на Дејвид Бекам повторно стана цел на онлајн исмевање поради сомнителните кулинарски способности, но се чини дека и покрај тоа не се откажува од оваа професија.
Најстариот син на фудбалерот и модната дизајнерка Викторија на социјалните мрежи сподели како подготвува шпагети во болоњезе сос.
Бруклин се почести со чаша црвено вино со кое ги прели меленото месо и морковите, а неговите следбеници останаа збунети од фактот дека во тенџерето плива винска затка.
„Затката е тајната состојка?“, „Зошто фрли винска затка во тенџерето“, се дел од коментарите.
Покрај затката, на која очигледно не ѝ е место во тенџерето, Бекам додека готвеше покрај шпоретот го држете своето куче, што на многумина исто не им се допадна. Го советуваа дека освен што може во јадењето да падне некое кучешко влакно, што би било лошо искуство за луѓето алергични на кучиња, држењето на куче така блиску до вклучен шпорет може да резултира и со повреда на животното.
Бруклин подоцна на стори појасни дека додавањето на затката не била негова грешка. Сподели и цитат дека додавањето затки од вино за време на готвењето го подобрува вкусот на јадењата.
Претходно има изјавено дека готвењето е негова страст, а откако на социјалните мрежи ги споделува своите рецепти јавноста не престанува да го исмејува.
