Габонскиот напаѓач распали синоќа и за прв пат ја затресе мрежата во дресот на Барселона. Всушност, Обамејанг прослави хет-трик.
„Работи добро, дојде овде во потрага по минутажа која сега ја добива. Се надевам дека ќе ни помага на овој начин бидејќи тој е одличен играч. Да се има Обамејанг во тимот и тоа добиен беспари е вистински подарок“, изјави Серхио Бускетс говорејќи за Movistar+.
Пјер-Емерик Обамејанг беше заглавен во Арсенал и некое време немаше одиграно натпревар, а потоа зимава дојде во Барселона и тоа без отштета. Одигра два натпревара влегувајќи, од клупата, а потоа против Наполи во Лига Европа првпат како стартер. Синоќа исто беше стартер и во својот четврти настап за каталонскиот тим постигна гол, всушност не еден, туку три.
Популарниот Оба погоди во 23., 32. и 38. минута во победата од 4:1 на „Местаља“ со која Барса и натаму е во игра за пласман во Лигата на шампионите бидејќи го дели 4. место со Атлетико со по 42 бода, а има натпревар помалку од Бетис кој е трет со 46.