Чаир и Центар со најмногу заболени во изминатите 24 часа во Скопје

На подрачјето на Скопје денеска се регистрирани 67 новозаразени со COVID-19.

Најмногу од нив, 16 се од Чаир по што следат Центар со 12, Кисела Вода со шест и Карпош и Шуто Оризари со по пет новозаразени.

Во Скопје има вкупно 653 активни случаи на COVID-19, од кои во Чаир се 168, во Центар 64, во Бутел 63, во Гази Баба 58, во Аеродром 57, во Сарај 55, во Карпош 45, во Кисела Вода 35, а во Арачиново 23.

Следат Студеничани со 19 активни случаи на COVID-19, Илинден и Ѓорче Петров со по 18, Шуто Оризари со 17, Петровец со шест, Чучер Сандево со три и Сопиште со два случаи, а има и двајца заразени странци.

Вкупниот број на новозаразени во изминатите 24 часа на територијата на целата земја е 127, а бројот на активни случаи е 1.343.

Во 16 часот е закажана прес-конференција на министерот за здравство Венко Филипче и се очекуваат заклучоците од Комисијата за заразни болести во врска со евентуално воведување на нови рестриктивни мерки за заштита од ширењето на COVID-19.