Покрај Усман Дембеле за кого веќе е јасно дека е на излезна врата, Чави одлучил дека уште петмина не му се потребни.
Легендарниот играч на Барселона, Чавиер Ернандес, популарно познат како Чави, пред себе има тешка мисија како тренер да го врати тмот на победничките патеки и да го направи конкурентен во Европа, каков што беше во негово време.
За таа цел ремонтот мора да почне со продавање бидејќи клубот пари за засилувања нема. Веќе е јасно дека крилниот напаѓач Усман Дембеле ќе си замине, а Чави подготвил список на кој се наоѓаат уште пет имиња на играчи кои можат веднаш да заминат штом за нив ќе пристигне прифатлива понуда.
Како што пренесуваат каталонските медиуми, се работи за централните дефанзивци Самуел Умтити, Клеман Ленгле и Оскар Мингеса, потоа левиот бек Алекс Балде, како и играчот од средината Рики Пуџ.
Дури откако Барса ќе успеа да продаде некои од нив ќе може да размислува за засилувања.
