Лошата форма на „Сините“ го натера клубот да размислува на трансфери, а медиумите од Италија шпекулираат со луда понуда која наводно премиерлигашот има намера да ја испрати до Интер.
Ромелу Лукаку растура во дресот на Интер по доаѓањето од Манчестер Јунајтед, а се работи за играч кој има огромно искуство во Премиер лигата.
Всушност, токму Челси беше клубот кој во 2011 година од редовите на белгиски Андерлехт го донесе на Островот, но никогаш не му даде вистинска шанса. Го праќаше на позајмици во Вест Бромвич Албион и Евертон, а потоа и целосно му го продаде на овој вториот.
Нормално дека Интер нема намера да се откаже од својата гол машина, па затоа Роман Абрамович ќе се обиде да ги залаже „Нераѕурите“ со што за возврат ќе им ги даде Жоржињо, кој е италијански репрезентативец и мајстор за пенали, и германскиот напаѓач Тимо Вернер кој газеше во Лајпциг, но во Челси очигледно не му оди.
Моменталната вредност на Лукаку според реномираниот Transfermarkt е 90 милиони евра, на Жоржињо е 50 милиони, додека на Вернер е 70.
