Нивото на радијација под реакторот 4 во Чернобил ги изненади експертите. Структура вредна 1,5 милијарди евра штити радијацијата да се прошири, но сега таа се засилува, а никој не знае зошто.
Под реакторот кој експлодираше во 1986 година и понатаму има активно нуклеарно гориво и во следните 24.000 години никој нема да може да живее на тој простор.
Нил Хајат, нуклеарен хемичар од Универзитетот во Шефилд вели дека постои можност ураниумот во горивото сам по себе повторно да се запали.
„Исто како што јагленот може повторно да се распламти така можат и нуклеарните материјали кои некогаш биле запалени, објаснува тој.
И други нуклеарни научници претходно ја спомнуваа можноста од повторно активирање на уранот од Чернобил.
Научници од Украина, одговорни за управување со нуклеарната активност во Чернобил, поставија сензори околу реакторот 4 и постојано се следи нивото на радијација. Неодамна тие сензори открија постојано зголемување на нивото на радиоактивност. Изгледа дека оваа радиоактивност доаѓа од недостапната комора под реакторот 4, кој е блокиран од ноќта на експлозијата на 26 април 1986 година.
Експертите од Украина не разбираат зошто се случува тоа, иако имаат некои претпоставки, сепак со сигурност не е познато што всушност се случува под реакторот или во нуклеарниот материјал кој остана внатре, пишува History of Yesterday.
