Некои апликации за размена на пораки споделуваат повеќе кориснички податоци кога тоа ќе биде побарано од нив.
Корисниците на телефони обично имаат голем број платформи за социјално вмрежување на кои се активни на дневна основа. Меѓу нив има специјални апликации кои се наменети само за пораки.
Иако овие чет апликации понекогаш може да содржат чувствителни информации што корисникот сака да ги задржи за себе, „протечен“ документ открива дека двете главни апликации за разговор - WhatsApp и iMessage - споделуваат големи количини на податоци со ФБИ.
Веста доаѓа од документ што „протече“ од ФБИ (Федерално биро за истраги), кое ја претставува разузнавачката и безбедносната владина служба во САД. Документот откри дека WhatsApp на Facebook и iMessage на Apple ѝ даваат на агенцијата најголем број информации. ФБИ исто така може легално да извлече информации од која било апликација за пораки.
Според документот, WhatsApp, iMessage и Line понудиле „ограничена“ содржина на пораки врз основа на барање од ФБИ.
Додека овие платформи доброволно понудиле „некои“ податоци, апликациите како што се Signal, Telegram, Threema, Viber, WeChat и Wickr не откриле никаква содржина од пораките.
Се разбира, споделените информации можеби не се безопасни. ФБИ може да добие информации од адресарот и на „метата“ и на нејзините контакти, доколку има налог за пребарување.
Ситуацијата е покомплицирана за корисниците на iMessage. Ако корисниците на iMessage направат резервна копија на нивните пораки и разговори на iCloud, ФБИ има пристап до вистинската содржина на пораката, бидејќи од Apple се бара да го предаде iCloud клучот за енкрипција доколку има налог.
