Секоја храна може да предизвика труење. Но некои видови храна побрзо се расипуваат и почесто се поврзуваат за болести и труење со храна. Поточно, некои намирници се повеќе склони да развијат штетни микроби од кои може сериозно да се разболите.
Така, сировото животинско месо може да биде опасно ако контаминирано. Тоа најчесто се однесува на сирови или недоволно готвено пилешко, но и на други видови месо како и на сирови јајца, непастеризирано млеко, школки и друга храна.
Секако дека и овошјето и зеленчукот може да бидат контаминирани поради што експертите секогаш истакнуваат дека пред консумација треба да биде добро измиено.
Месо (пилешко, свинско, мисиркино)
Од сирово или недоволно готвено месо лесно може да се разболите. Сировото месо содржи E. coli поради што не се советува миење на месото за да се избегне контаминирање на кујнските површини и садови.
За да се ослободите од бактериите, најбезбедно е целосно термички да се обработи месото (да се испече, свари, испржи) секое месо што го подготвувате.
Овошје и зеленчук
Сировото овошје и зеленчук е корисно, но и тоа понекогаш може да предизвика труење со внесување штетни микроби. Затоа е важно да го измиете пред консумација.
Сварениот зеленчук е апсолутно безбеден, но свежиот треба добро да се измие пред јадење.
Непастеризирано млеко и други производи
Избегнувајте сирово млеко и производи добиени од него. Може да содржи штетни бактерии меѓу кои и Campylobacter, Cryptosporidium, E. coli, Listeria и Salmonella.
Тие се отстрануваат целосно при процесот на пастеризација. За среќа, сите хранливи материи и витамини се задржуваат во млечните производи по овој процес.
Јајца
Јајцата се познати по тоа што можат да содржат Salmonellа, бактерија од која може сериозно да се разболите и тоа не се однесува само на напукнатите или на изглед расипани јајца.
Затоа експертите советуваат да јадете целосно сварени или пржени јајца, а доколку ви требаат сирови користете пастеризирани јајца, пишува Cookist.
