Постојат многу начини на кои можете да помогнете во забавување на процесот на стареење, а исхраната игра голема улога во тоа.
Иако не можеме да очекуваме туку така да ги смениме „симптомите“ на стареење, одредени намирници можат да ни помогнат да го продолжиме животниот век и да изгледаме помлади.
Јадењето повеќе овошје е една од најлесните и најдобри промени во исхраната што можете да ја направите за да ги подобрите вашите шанси за подобро здравје. Во продолжение ви пренесуваме четири видови овошје кои според научниците ќе ви помогнат во оваа цел.
Боровинките се еден од најбогатите извори на антоцијани, фитохемиски соединенија кои на овошјето и зеленчукот им даваат сина, виолетова и црвена боја и се ефективни антиоксиданси кои се борат против слободните радикали кои ги оштетуваат клетките.
Некои студии покажаа дека хранливите материи во боровинките имаат способност да ја поправат оштетената ДНК и да ги модулираат гените поврзани со долговечноста. Комбинацијата на антоцијани и диетални влакна во боровинките, исто така, може да помогне да се намали отпорноста на инсулин, да се намалат триглицеридите и да се намали ризикот од дијабетес тип 2, според истражувањето во Current Developments in Nutrition.
Одредени студии покажуваат дека редовното консумирање боровинки може да ги подобри когнитивните способности и дека полифенолите од боровинки може да играат значајна улога во продолжувањето на животниот век.
Сигурно сте слушнале како јаболката кријат бројни придобивки за нашето здравје. Студијата во Advances in Nutrition сугерира дека редовното консумирање јаболка може да го намали ризикот од болести поврзани со стареењето како што се кардиоваскуларни болести, рак и Алцхајмерова болест.
Грејпфрутот е богат со здрави хранливи материи како витамин Ц, антиинфламаторен магнезиум, калиум за намалување на крвниот притисок и диетални влакна, но неговата најголема здравствена придобивка може да биде неговата способност да се бори против бројни кардио-метаболички нарушувања поврзани со прекумерната тежина. Како што стареете, ризикот од прекумерна тежина се зголемува, па вклучувањето на овошје за борба против маснотиите, како грејпфрут, во вашата исхрана е одлична алатка против стареење.
Една студија покажа дека учесниците кои јаделе половина грејпфрут со секој оброк изгубиле 3,6 килограми за време на експеримент од 12 недели. Анализата на податоците од Националното истражување за здравствени и нутриционистички испитувања откри поврзаност помеѓу консумацијата на грејпфрут и условите кои го намалуваат ризикот од кардиоваскуларни болести.
Сокот од калинка е богат со калиум, минерал кој е поврзан со намален ризик од мозочен удар поради неговата способност да го одржува крвниот притисок во здрав опсег.
Исто така, е богат извор на флавоноиди и полифеноли со силни антиоксидантни и антиинфламаторни својства. Некои истражувања покажуваат дека овие антиоксиданси можат да помогнат да се намали инциденцата на старечки дамки и брчки. Во една студија за глодари, истражувачите откриле дека сокот од калинка нанесен на кожата на глувците без влакна штити од оштетување од сонцето. Во други истражувања, се чини дека сокот од калинка го продолжува животниот век на глувците и другите мали животни.
Се разбира, многу научници стојат зад тврдењето дека консумирањето одредени намирници е само една важна компонента во низата интервенции кои треба да бидат дел од рутината на поединецот.
