Љубовните експерти нагласуваат дека не е невообичаено на почетокот на бракот да се запрашате дали тоа е навистина љубов за цел живот и дали навистина сте ја пронашле својата сродна душа.
Без разлика дали неодамна сте го кажале судбоносното „да“ или веќе не можете да ги броите годишнините на прстите од двете раце - има јасни знаци кои откриваат дека вашиот брак ќе опстане.
Добриот брак е изграден на темелите на добрата комуникација. Но, кога партнерот не е редовно присутен во дух или се однесува како да има поинтересни работи додека брачниот другар зборува, лесно може да се појави презир во врската.
Честа болна точка на многу парови во денешно време е „чепкањето“ на мобилниот додека едниот партнер се обидува да разговара. Паровите кои често се слушаат, без разлика колку се мали или големи разговорите, имаат многу поголеми шанси да живеат посреќно заедно.
Врската која е изградена на взаемна мотивација и инспирација е секако силна. Партнерот треба да ве инспирира да покажете и да го дадете најдоброто од себе, да се соочите со проблемите и да го промените светот на подобро.
Ако компромисот е главното решение за решавање на проблемот и завршување на расправијата и за вас и за вашиот партнер, знајте дека сте на добар пат да живеете со таа личност долги години. Во секој случај, импулсивното одлучување и онака никогаш не било добро.
Вистинските партнери си кажуваат сè. Понекогаш не е лесно да се каже што ни пречи или што ни е на ум, но сродните души не ги кријат работите дури и во оние моменти кога „вистината може да боли“.