Реал Мадрид минатата сезона ги освои Лигата на шампионите и шпанската лига, а мадридска Marca сега откри чии дресови најмногу се купувале во фан шоповите на Реал.
Навивачите потрошија најмногу пари за дресовите на Карим Бензема и Винисиус, а Marca пишува дека се очекува да се зголеми продажбата на дресовите на Винисиус оваа сезона откако тој го продолжи договорот.
„Досега заработуваше 3,2 милиони евра по сезона, а сега ќе заработува 10 милиони со дополнителни бонуси. Клаузулата за обештетување ќе изнесува една милијарда, но тоа не е ни важно бидејќи Винисиус е 100 проценти играч на Реал. Не мисли на друго, па дури и ги одби 40-те милиони од ПСЖ за да го продолжи договорот со Реал“, пишува Marca.
