Популарниот интернет пребарувач Chrome го менува изгледот на логото прв пат од 2014 година, но тешко е да ги забележите разликите.
Дизајнерот Елвин Ху покажа како изгледа редизајнот на логото и објави сликовит приказ на Twitter.
Наместо сенки на границите меѓу секоја боја, односно нивно подигање од екранот, црвената, жолтата и зелената боја едноставно се рамни, додека синиот круг во средина изгледа поголем.
Боите изгледаат поживо, веројатно затоа што дизајнерскиот тим се ослободи од сенките, а постои уште една промена. Дизајнерите открија дека поставувањето на одредени нијанси на зелена и црвена боја една покрај друга создава непријатна вибрација на бојата.
За да се ослободат од тоа одлучиле да користат посуптилен пристап на градиенти, а дали човечкото око може да го детектира тоа, проценете самите.
Од друга страна, верзиите за оперативните системи Windows 10 и Windows 11 имаат подраматичен градиент така што се вклопува во стилот на другите икони.
Ху изјави дека новото лого ќе се појави кај сите корисници постепено во наредните месеци.
