Хрватска и Шпанија на 15 јуни од 18 часот во Берлин ќе одиграат натпревар од првото коло на Европското првенство. Во групата се и Италија и Албанија. Шпанскиот фудбал го тресат скандали во пресрет на ЕУРО, пишува шпански As. Имено, работењето на локалното здружение е под лупа на ФИФА и УЕФА кои го осудија мешањето на политиката во спортот.
Шпанската кралска фудбалска федерација (РФЕФ) беше под посебна лупа поради истрагата за корупција, како и смената на претседателот Луис Рубиалес, кој бакна шпанска репрезентативка за време на церемонијата на Светското првенство за жени. Ова ја принуди шпанската влада да формира комитет кој ќе ја надгледува работата на РФЕФ.
ФИФА и УЕФА побараа објаснување за ситуацијата, а петок е крајниот рок за одговор на споменатиот комитет. Имено, ФИФА и УЕФА прашаа на која правна основа е именувана комисијата, каков е составот на тоа тело, колку е мандатот, кои се нејзините овластувања и каков е односот со извршните органи на РФЕФ. Нион и Цирих предупредуваат дека оваа последна претпоставка може скапо да ги чини Шпанците.
As додава дека доколку ФИФА и УЕФА не бидат задоволни од одговорите, шпанската репрезентација би можела да биде исфрлена од претстојното Европско првенство, а шпанските клубови од натпреварувањата на УЕФА. Со тоа, Шпанија би се откажала и од организацијата на Светското првенство во 2030 година во соработка со Португалија, Мароко и три други јужноамерикански земји.
