Евертон и Ливерпул го отвораат 5. коло во Премиер лигата во 13:30 часот.
Се чини дека Мерсисајд дербито ќе биде исклучително интересно, имајќи предвид дека „Карамелите“ во моментов се во подобра позиција и во подобра форма од „Црвените“.
Нашиот спортски новинар Филип Здравески во најавата за фудбалскиот викенд со дури шест дербија, нагласува дека лутите ривали Евертон и Ливерпул по 203. пат ќе се сретнат во најсилната англиска лига.
„Сезонава тимот на Карло Анчелоти се наметна како одлично освежување во Премиер лигата, додека избраниците на Јирген Клоп со бламажата против Астон Вила покажаа дека се и тоа како ранливи“, акцентира тој.
Евертон е на врвот во Премиер лигата со четири победи на четири одиграни натпревари.
Ливерпул ја отвори сезоната со три последователни победи, за во последното коло да доживее шокантен пораз од Астон Вила (2:7).
Јирген Клоп мораше повторно да го извади пред голот Адријан со оглед на тоа што Алисон е повреден, а кога ќе се земе предвид неговиот учинок на последниот натпревар и фактот дека Евертон постигна три гола на натпревар, Ливерпул тешко дека ќе се врати на „Енфилд“ со недопрена мрежа.
Ефикасен е и Ливерпул, кој постигна гол помалку од Евертон (11). Во првите четири натпревари паднаа повеќе од пет гола во просек на натпреварите на Ливерпул, во однос на четирите на натпреварите на Евертон. Ако ваквата статистика не е вовед во еден одличен натпревар со голем број на голови, не знам што е.
Состави:
Уште една интересна информација - Евертон веќе десет години нема победа против Ливерпул.
И тоа точно на овој ден пред десет години - последниот триумф го постигнаа на 17 октомври 2010 година, кога головите ги постигнаа Тим Кејхил и Микел Артета, кој сега е менаџер на Арсенал.
Дали овој датум повторно ќе биде среќен за Евертон?
