Деновиве хрватската јавност дискутира за монетите на хрватското евро.
Поточно - дали Никола Тесла треба да биде еден од мотивите што ќе ги има на монетите.
„Тоа е историска можност да се раскаже приказната за човекот кој е роден, образуван и ја изградил првата хидроцентрала во Европа“, е само дел од статусот на Facebok и еден вид апел до хрватската влада, на дизајнерот Давор Брукета.
Како еден од мотивите, Тесла беше првпат предложен од Кабинетот на Претседателот на Република Хрватска, кој учествуваше во работата на Комисијата на ЦНБ од самиот почеток, и кој на својата прва седница на 19 март ги повика сите инволвирани институции во комисијата да даде предлози за избор на решение за хрватската паричка од евро, пишува Вечерњи лист.
„Во средината на април, пред втората седница на комисијата на 1 јуни, кабинетот на претседателот на Републиката официјално ги достави до комисијата своите предлози хрватската паричка од евро да има три мотиви, и тоа да бидат шаховницата, Тесла и Дубровник“, објасни Велибор Макиќ, советникот на претседателот, кој исто така беше претставник на Кабинетот на претседателот во комисијата на ЦНБ.
Откако сите институции претставени во работата на комисијата доставија предлози, спроведена е анкета меѓу членовите на комисијата, по што комисијата за избор на одлуки на ЦНБ и комисијата за пари на ЦНБ предложија хрватската монета да има три мотиви и тие да бидат избрани на јавна конференција што трае до 22 јули меѓу петте предложени (шаховницата, мапа на Република Хрватска, куна, глаголица и Дубровник).
На јавната консултација, граѓаните можат да предложат шести мотив, за кој исто така ќе се дискутира.
