Колумбиската пејачка Шакира конечно го претстави најавуваниот дует со Озуна наречен „Monotonia“. Песната доаѓа по раскинувањето на врската со фудбалерот Жерар Пике и сите се прашуваат дали е посветена токму за него.
Шакира песната ја најавуваше со исечок од спотот во кој маж гази човечко срце, а благодарение на текстот „Не си ти виновен, не сум ни јас, за тоа е винова монотонијата“ многумина сметаат дека го опишува крајот на врската со Пике.
Понатаму, во текстот се вели: „Одеднаш повеќе не беше истиот, ме остави поради твојата себичност, заборави што бевме порано“.
Двете последни песни „Monotonia“ и „Te Felicito“ на Шакира следат по прекинот на врската со долгогодишниот партнер со кој има две деца.
Претходно, во интервју за Elle, пејачката отворено зборуваше за разделбата, опишувајќи го тој момент како еден од најтешките во нејзиниот живот.
