Денес имаме избор на различни видови масло. Поради тоа, многумина се во дилема кое масло се користи за пржење, а кое за правење салати?
Маслиновото масло често е симбол на здрава исхрана, а најчесто се користи за салати бидејќи не е добро да го загревате на висока температура.
Сончогледовото ладно цедено масло исто така е добро за правење преливи за салати, а обичното рафинирано го користиме за печење и пржење.
За што најдобро се користи секој вид:
Кокосовото масло е корисна намирница и најбогат познат извор на среден синџир масни киселини (МЦФА). Тие ја регулираат дигестијата и на телото му даваат енергија. Богато е со здрави заситени масти и антиоксиданси. Ја подобрува работата на мозокот, го подобрува имунитетот и овозможува правилна работа на тироидната жлезда.
Најдобро е за готвење, динстање и пржење, не се препорачува за салати. Кога е на собна температура во цврст облик на храната дава посебна арома.
Богато е со здрави масти одлични за срцето, подобрување на здравјето на крвните садови и спречува создавање крвни згрутчувања. Помага во намалување на крвниот притисок и има антивоспалителни дејства. За разлика од останатите видови маслинови масла, екстрадевственото почнува да чади на значително ниска температура, околу 150 степени, што значи дека не е добро за пржење и печење над оваа температура.
Најдобро е за динстање и готвење на пареа, не се препорачува за печење и пржење на високи температури.
Ова е најраспространето масло во нашата кујна. Богато е со витамин Е и е добро за здравјето на артериите и срцето. Овој витамин има силен антиоксидативен ефект, добар е за превенција на стареење на клетките, го стимулира имуносистемот и обезбедува нормален развој на нервите.
Најдобро е за пржење и динстање, не се препорачува за салати.